စာအမှတ် – KNDF/၁/၂၀၂၃ (၀၀၆)

၂၀၂၃ ခုနှစ် ၊ မတ်လ (၁၅)ရက်။

     အကြမ်းဖက်စစ်ကောင်စီတပ်များသည် ဖယ်ခုံမြို့နယ် ၊ အရှေ့ဖက်ကမ်း ကုရင်ကျေးရွာအုပ်စုအတွင်းသို့ မတ်လ (၁၁)ရက်နေ့မှစ၍ စစ်ကြောင်းထိုးလာခဲ့သဖြင့် ပြည်သူ့ကာကွယ်ရေးပူးပေါင်းတပ်ဖွဲ့များနှင့်ထိတွေ့တိုက်ပွဲများဖြစ်ပွားခဲ့ပါသည်။ ထို့နောက် မတ်လ (၁၂) ရက်တွင် ကုရင်ကျေးရွာအုပ်စု စစ်ဘေးရှောင်စခန်းအနီးသို့ ထိုးစစ်ဆင်လာသော စစ်ကောင်စီစစ်ကြောင်းမှာ စစ်ရှောင် စခန်းအတွင်း ဝင်ရောက်ပြီး စစ်ရှောင်(၈) ဦးအား ဓါးစာခံအဖြစ် ဖမ်းစီးခဲ့ပြီး (၅)ဦးကိုသာပြန်လွတ်ကာ သက်ကြီးရွယ်အို(၂)ဦး နှင့် (၇)တန်းကျောင်းသား ကလေးသူငယ် တစ်ဦးတို့အား ပြန်မလွှတ်ပဲ မီးရှို့သတ်ဖြတ်ခဲ့ပါသည်။

     စစ်ကြောင်းထိုးလာသော စစ်ကောင်စီ၏ ခမရ (၄၂၃)တပ်ရင်းအား မတ်လ (၁၁)​ရက်နေ့၊ နေ့လည် (၁၂)နာရီ အချိန်မှ  စ၍ KNDF-B03၊ ဖယ်ခုံ PDF တပ်ရင်း (၂) ၊ အလယ်ပိုင်းတိုင်းPDFတို့ပူးပေါင်း၍ တိုက်ခိုက်ခဲ့ပါသည်။ ထိတွေ့တိုက်ပွဲမှာနေ့လည် (၁၂)နာရီမှ ညနေ (၅)နာရီခွဲအထိ အပြင်းအထန်ဖြစ်ပွားခဲ့ပြီး ထိတွေ့မှုအပြီး စစ်ကောင်စီတပ်ဖက်မှ ထွက်ပြေးသွားခဲ့ကာ ၎င်းတို့၏ တပ်ဖွဲ့ဝင် (၆)ဦးကို အရှင်ဖမ်းဆီးရမိခဲ့သလို သေဆုံးနေသော အလောင်း (၁၉)လောင်းကို တွေ့ရှိခဲ့ရပြီး MA-3 (၂)လက် ၊ MA-2 (၁)လက် ၊ MA-1 (၁)လက် ၊ စနှိုက်ပါ (၁)လက် ၊ (၆၀)မမ ပြောင်း (၂)ပြောင်း ၊ RPG (၂)လက် နှင့် ခဲယမ်းများ ၊ အသုံးဆောင်များကို သိမ်းဆည်းရရှိခဲ့ပါသည်။ 

     ထို့အတူ မတ်လ (၁၂) ရက်နေ့တွင် စစ်ကောင်စီ၏ စစ်ကြောင်းတစ်ကြောင်းမှာ ကုရင်ကျေးရွာအုပ်စုထဲရှိ စစ်ဘေးရှောင် စခန်း တစ်ခုအနားသို့ ထပ်မံ၍ စစ်ကြောင်းထိုးလာခဲ့ပြီး မိမိတို့ပူးပေါင်းတပ်များနှင့် နေ့လည် (၁)နာရီအချိန်မှစ၍ ညနေ (၆)နာရီအထိ ထိတွေ့တိုက်ပွဲဖြစ်ပွားခဲ့ကာ စကစ တပ်သား (၅)သေဆုံးနေသည်ကိုတွေ့ရကာ တိုက်ပွဲအတွင်း မိမိတို့ KNDF B (03) မှ ရဲဘော် (၂)ဦး၊ ဖယ်ခုံ PDF တပ်ရင်း (၂)မှ ရဲဘော် (၁)ဦး မြင့်မြက်စွာ ကျဆုံးခဲ့ရပါသည်။ 

မတ်လ (၁၂)ရက်နေ့မှာပင် လွိုင်ကော်မြို့နယ် ၊ ကုန်းသာကျေးရွာ တောင်ကုန်းအနီးတွင် စစ်ကြောင်းထိုးလာသော စစ်ကောင်စီတပ်ဖွဲ့နှင့် ညနေ (၂)ခွဲ အချိန်တွင် KNDF B (02) ၊ B (03) ၊ ဖယ်ခုံ PDF တို့ပူးပေါင်းကာ တိုက်ခိုက်ခဲ့ပြီး ညနေ (၅)နာရီခွဲ ဝန်းကျင်တွင် စစ်ကောင်စီမှ ဂျက်လေယာဥ်နှစ်စီးဖြင့် (၃)ကြိမ် လာရောက်ပစ်ခက်ခဲ့ကာ တိုက်ပွဲအတွင်း စစ်ကောင်စီတပ်သား (၄)ဦး၏ အလောင်းအားတွေ့ရသလို အသုံးဆောင်များလည်း တွေ့ခဲ့ရပါသည်။ 

     ထို့အတူ မတ်လ (၁၃)ရက်နေ့ ည (၁၂)နာရီကျော်အချိန်တွင် ဒီးမော့ဆိုအရှေ့ဖက်ခြမ်း တွင် စစ်ကြောင်းထိုးနေသော စစ်ကောင်စီ၏ တပ်မ (၆၆) တပ်သား တစ်ဦးမှာ မိမိတို့ လှုပ်ရှားနေရာဖက်သို့ ကင်းထောက် ကျွံဝင်လာခဲ့ရာ KNDF-B09 မှ ပစ်ခတ် တိုက်ခိုက်ခဲ့ရာ သေဆုံးသွားပြီး ၎င်းကိုင်ဆိုင်ခဲ့သော MA-3 သေနတ် (၁)လက် နှင့် ကျည်အချို့ကို သိမ်းဆည်းနိုင်ခဲ့ပါသည်။ 

     စစ်ကောင်စီစစ်ကြောင်းအား ခုခံတိုက်ခိုက်ရင်း ရဲရင့်စွာကျဆုံးခဲ့ရသော KNDF-B03မှ ရဲဘော် (၂)ဦးနှင့် မဟာမိတ်တပ်မှ ရဲဘော် (၁)ဦးတို့အား အာဇာနည်သူရဲကောင်းများ အဖြစ် KNDF မှသမိုင်းမှတ်တမ်းတင် အလေးပြုပါသည်။