စစ်ကောင်စီမှ ဖရူဆိုမြို့အတွင်းရှိ နေအိမ်များအား အကြောင်းမဲ့ မီးရှို့ဖျက်ဆီးခဲ့ခြင်း ။
၂၀၂၅ ခုနှစ် ၊ ဧပြီလ (၃)ရက် ။
ကရင်နီပြည်နယ်၊ ဖရူဆိုမြို့တွင်းရှိ ပြည်သူလူထု၏ နေအိမ်များအား စစ်ကောင်စီမှ ၂၀၂၅ ခုနှစ် ၊မတ်လ (၃၁) ရက်နေ့တွင် တိုက်ပွဲဖြစ်ပွားမှုတစ်စုံတစ်ရာမရှိဘဲ အကြောင်းမဲ့ မီးရှို့ဖျက်ဆီးခြင်းများ လုပ်ဆောင်ခဲ့ပါသည်။
ဖရူဆိုမြို့ မြို့မရဲစခန်းတွင် ခြေကုပ်ယူထားသော စစ်ကောင်စီတပ်ဖွဲ့များမှာ မတ်လ (၃၁)ရက်နေ့တွင် ညောင်ဇင်ရပ်ကွက် နှင့် ရွှေပြည်သာရပ်ကွက်များရှိ ပြည်သူလူထု၏ နေအိမ်များအား အကြောင်းမဲ့ မီးရှို့နေသည်ကို တွေ့ရှိရပြီး မီးမှာ ဧပြီလ (၁) ရက်နေ့ ညပိုင်းထိ လောင်ကျွမ်းနေခဲ့ပြီး လူထုနေအိမ် (၆) လုံးထက်မနည်း မီးလောင်ပျက်ဆီးခဲ့ကြောင်း တွေ့ရှိရပါသည်။
ဖရူဆိုမြို့တွင် တိုက်ပွဲမရှိသည်မှာကြာမြင့်ပြီ ဖြစ်ပြီး မြို့တွင်းတွင်လည်း ဒေသခံလူထုများ နေထိုင်မှုမရှိဘဲ စစ်ကောင်စီတပ်ဖွဲ့များနှင့် ၎င်းတို့၏ နောက်လိုက်များသာ နေထိုင်ကြပါသည်။ ထို့အတူ ၎င်းတို့မှာ ပြည်သူလူထူများ၏ ပစ္စည်းများ၊ နေအိမ်များအား ဖောက်ထွင်းယူဆောင်ခြင်း ၊ မီးရှို့ဖျက်ဆီးနေခြင်း များကို ဥပဒေမဲ့ပြုလုပ်ကာ လူ့အခွင့်ရေးချိုးဖောက် သည့် လုပ်ငန်းများကို လုပ်ဆောင်လျှက်ရှိပါသည်။
ဗဟိုသတင်းနှင့်ပြန်ကြားရေးဌာန
ကရင်နီအမျိုးသားများကာကွယ်ရေးတပ်- KNDF
Leave a Reply